၆၄ မိုင်တိုင်

သွေးမတော်သားမစပ် ၀မ်းမနာခဲ့ရပေမဲ့
ကျနော်တို့အပေါ် အမေ့အချစ်တွေ ပုံပေးခဲ့တယ်
ချစ်တဲ့တိုင်းပြည်သာယာဖို့ အမေကြိုးစားခဲ့တယ်
အခုဆို အမေ့ရဲ့မွေးနေ့လေးပေါ့ အမေ
အေးချမ်းစွာနဲ့ နေနိုင်တဲ့ကိုယ်ပိုင်မိသားစုလေးကို ပစ်ပြီးတော့
အမေကျနော်တို့ရင်ခွင်ထဲ ခြေစုံပစ်ဝင်ခဲ့တယ်

တကယ်တမ်း ကျနော်တို့ရင်ခွင်ဟာအမေ့အတွက်
ခက်ထန်ကြမ်းတမ်းတဲ့ ဘ၀တွေအဖြစ်ပြောင်းလဲခဲ့ရပြီလေ
ဒါပေမဲ့အမေ့ဆီက ငြီးငြူးသံလေးတသံတောင်မှ
ကျနော်တို့အသက်ရှိသမျှ မကြားရသေးပါဘူးအမေ
အမေ့ချစ်တဲ့သားသမီးတွေအတွက် အမေရယူလိုစိတ်မရှိ
ပေးဆပ်ခဲ့ရတာကိုပဲ အမေဂုဏ်ယူနေတယ်လေ..

ဘာလိုလိုနဲ့ မိုင်တိုင် ၆၄ကိုတောင် ရောက်လာပြီကောအမေ
ဒီအချိန်ဆို ဘုရားတရားနဲ့ကိုပွေ့ဖက်ပြီး
ချစ်သောမြေးမြစ်လေးတွေနဲ့ ပျော်နေရမဲ့အချိန်မှာ
အမေကတော့ အားမာန်ကိုမလျှော့ပဲ သားသမီးတွေလိုချင်တဲ့အရာတွေကို
အမေအသက်ရင်းပြီး ယူဆောင်နေတုန်းပဲအမေ
ဒီအချိန်မှာဖြင့် အမေ့သားသမီးတချို့ကတော့
အဝေးတနေရာမှာ ကောင်းစားပြီးအမေ့ကို မေ့နေကြတယ်လေ...

ငြိမ်းချမ်းရေးကိုလိုလားတဲ့အမေ
အခန်းကျဉ်းလေးရဲ့ ထောင့်တနေရာမှာ
ခန္ဓာကိုယ်က ပိန်လှီလို့ အင်အားကမရှိ
အရုပ်ကြိုးပြတ်ကျတော့မဲ့ပုံ သူရဲ့မျက်လုံးကတော့ ရဲဝံ့တဲ့
စူးရှတဲ့ အရောင်တွေတောက်လို့ မတရားတာကို မကြောက်
အမှန်တရားတခုအတွက် အကုန်လုံးကိုပေးဆပ်ရဲတယ်
မိသားစု၊သားသမီးတွေ စတေးခဲ့ပေါ့ ခိုင်မာတဲ့ ယုံကြည်ချက်တို့နဲ့
ဒီအခန်းကျဉ်းလေးထဲဝယ် တုန်ရီနေတဲ့လက်တွေနဲ့
နံရံပေါ်မှာ ပြတ်သားစွာရေးလိုက်တယ်
ဒါငါတို့ တိုင်းပြည်အတွက် ဒါငါတို့ လွတ်လပ်မူတွေအတွက်
ဒါငါ့ဝမ်းမနာ သားသမီးတွေအတွက်

လေးစားလျက် တောင်ပေါ်သား